Kultur etxera bisita

HEGAZTI SARRASKIJALEAK

Natur Eskolan hegazti sarraskijaleei buruzko erakusketa ikusteko aukera izan genuen. Besteak beste, abere hilak kontsumitzen dituztela, eta gaixotasunak eta izurriteak ekiditen laguntzen digutela ikasi genuen. Hala nola, hildako animaliak antzematen lehenak korbidoak izaten direla (erroi, bele, mika), gero sai handiak noiz etorriko zain egoten direla, zarataka eta gorpu inguruan dantzan. Ugatza omen da bazka honetan azkena, hezurrak jaten dituena.

Betiko moduan, oso interesgarria izan zen bisita, eta gainera opari egurrezko giltzatakoa eman ziguten.

Ospakizunak: danborrada, gabonak, Santa Ageda...

San Migeletan danborra jo genuen eskolako patioan, eta primeran pasa genuen.

Gabonetako oporren aurretik, Olentzero etorri zen bisitan. Praktiketan gurekin egondako Izaro eta Maider agurtu genituen, baita gure irakasle Jon ere. Pena sentitu arren, oporrak zetozenez gustora geunden.

Otsailaren 5ean Santa Agedako koplak abestera atera ginen auzora. Giro kaxkarra egin arren ez ginen izutu, eta dotore abestu genuen.

Bigarren mailakoak gelan

Bigarren mailan lan asko ari gara egiten, dagoeneko "Boga-boga marinela" gaia amaitu dugu, eta Unibertsoaren gaia hasi behar dugu. Matematikan ere buru belarri gabiltza batuketa eta kenketekin! 

Hala ere, jolaserako tartetxo batzuk ere hartzen ditugu.